Nian wu shuang

Əsrlər öncə tanrılarla demonların qarşıdurması az qala bütün aləmi məhv edəcəkdi. Ali ilahi Tay He qaranlıq hökmdarını möhürləmək üçün «Tanrının sol əli» adlı relikviyanı parçalayaraq bəşər dünyasına səpələdi və digər səmavi varlıqlarla birlikdə uzun yuxuya getdi. Fürsətdən istifadə edən kabus qəbiləsi qanlı savaş başlatdı, lakin tülkü klanının keşişi Yuan Çjun həmin gücü mənimsəyərək onları dayandırdı. Qazandığı qüdrət qohumlarını yoldan çıxardı, özü isə lənətlənmiş bir qaçqına çevrildi.

Minilliklər sonra oyanan Səma səltənəti ilahə U Şuanı həm artefaktı geri qaytarmaq, həm də Yuan Çjunu aradan qaldırmaq üçün göndərir. Qəhrəman ölümcül cildində tülkü tayfasına sızır, amma qaniçən rəqib əvəzinə tənha və əzab çəkən bir ruhla qarşılaşır. Keçmiş həyatında həmin relikviyanı şəxsən yaratdığını xatırlayan U Şuan günahını yumaq üçün gəncə kömək etməyi seçir.

«Nian wu shuang» adlı Çin istehsalı fentezi serialı 2025-ci ildə ekranlara çıxıb. Quruluşçu rejissoru Qo Hu olan melodramda baş rolları Tiffani Tan, Lü Syueyi, Qo Syaotin və Van Xunyi canlandırıb.