Müdafiə olunanlar

Gələcəyi görmək qabiliyyətinə malik olan qız naməlum şəxslər tərəfindən qaçırılır. Övladını axtaran Ximena fövqəltəbii istedadı olan digər insanlarla rastlaşır. Onların arasında telekinez bacarığı olan oğlunu tək böyüdən Mario Rey, elektriki idarə edən Sandra, görünməz ola bilən Zmey, başqalarının cildinə girən Lukas və düşüncələri oxuya bilən Lusiya var.

İstedadlı uşaqları oğurlayan təhlükəli adamlardan gizlənmək üçün bu insanlar bir araya gəlməyə məcbur olurlar. Qəhrəmanlar «İtirilmiş Vadi» adlı qəsəbəyə köçürlər. Onlar sirrlərini qorumaq məqsədilə özlərini adi bir ailə kimi qələmə verərək birlikdə yaşamağa başlayırlar.

İspaniya istehsalı olan «Los protegidos» («Müdafiə olunanlar») fantastika və dram janrında çəkilmiş serialdır. Üç mövsümdən ibarət olan layihə 2010-cu ildə işıq üzü görüb.