Ovsunlanmışlar

İskrı şəhərinin kənarında böyüyən əkiz bacılar Zlata və Marya sakinlərin xəbərsiz olduğu qaranlıq qüvvələrin yaxınlığında yaşayırlar. İnsanlar ilə kölgələr aləmi arasındakı sərhədi qorumaq vergisi onların anası Yadvidadan yalnız bir qıza keçməlidir. Sehrli qabiliyyət dərslərinə can yandıran Zlatada üzə çıxır, qaydalara sığmayan Marya isə caduları əzbərləmək yerinə dostluq və azadlıqla dolu adi həyat arzulayır.

Şəhər merinin ögey qızı Sonya ilə mərcləşən Marya təsadüfən kölgələr aləminə keçid qapısı açır. Bacısının səhvini düzəltmək istəyən Zlata həyatını itirir. İndi Maryanın qaranlıq insan aləmini bürümədən möcüzələr izinə düşmək, dirilik suyunu tapmaq və bacısını xilas etmək üçün cəmi doqquz gün vaxtı qalır.

Rusiyanın «Ovsunlanmışlar» adlı macəra və fentezi serialı rejissor İlya Şexovtsov tərəfindən ekranlaşdırılıb. 2026-cı ildə yayımlanan ekran işinin baş rollarında Taisya Kalinina, Dayana Qudz, Mariya Davitaya və Vlad Proxorov çəkiliblər.