Donggung

Otuz ildən sonra Çoson sülaləsinin üzərini yenidən qara buludlar alır: taxt varisləri qisasçı bir ruhun təsiri ilə bir-bir həyatını itirir. Hökmdar sonuncu şahzadəni xilas etmək naminə ruhlar aləminə daxil ola bilən gənc şamanı öz iradəsinə zidd olaraq saraya gətizdirir. Ona köməkçi kimi vaxtilə saraydan qovulmuş və xəyalların səslərini eşitmək bacarığına malik olan şahzadə qadın təyin edilir.

Qeyri-adi güclərə malik olan bu iki nəfər saray divarları arasında baş verən müəmmalı ölümlərin səbəbini araşdırmalı olur. O biri dünyanın qüvvələrinə qarşı durmaq üçün onlar monarxiya ailəsinin illərdir gizlətdiyi təhlükəli sirləri açmağa məcbur qalırlar. Bu gizli həqiqətləri öyrənmək isə hər ikisinin həyatı üçün böyük təhlükə yaradır.

2026-cı il istehsalı olan «Donggung» Cənubi Koreya dram serialı fantastika və detektiv janrlarını birləşdirir. Ekran əsərinin quruluşçu rejissoru Çhve Con-qyudur. Əsas rolları Nam Cu-hyok, No Yun-so, Co Sın-u və Can Yon-nam canlandırırlar.