Krallıq

Kopenhagenin vaxtilə daimi duman altında qalan bataqlıq ərazisində ölkənin ən qabaqcıl xəstəxanalarından biri ucaldılır. Tibb işçilərinin «Krallıq» adlandırdığı bu məkanda elmin gücü mövhumatı sıxışdırıb çıxarmalı idi. Lakin binaların təməlində qaranlıq bir cinayət gizlənirdi: 1919-cu ildə məşhur həkim Krüger öz nikahdankənar qızı Merini burada qətlə yetirmişdi.

İllər keçsə də, faciənin izləri divarlar arasında qalmaqda davam edir. Bəzi xəstələr kömək diləyən qızcığazın qəribə səslərini eşitməyə başlayırlar. Ruhlarla əlaqə qurmağı bacaran xanım Drusse bu sirri aydınlaşdırmağa qərar verir. Xəstəxanada çalışan həkimlərdən biri ilə birlikdə o, Merinin ruhunu sakitləşdirmək üçün araşdırmalara başlayır və gözlənilməz hadisələrlə üzləşir.

«Krallıq» serialı 3 mövsümdən ibarətdir və detektiv, dram, fentezi, komediya və qorxu janrlarını özündə birləşdirir. Ekran əsərinin quruluşçu rejissorları Lars fon Trier və Morten Arnfreddir. Əsas rolları Sören Pilmark, Gita Nörbü, Birgitte Raaberg və Peter Mügind canlandırıblar.