Dokkaebi

Əsrlərdir insanlar arasında ömür sürən ölümsüz tokkebi bu uzun həyatdan artıq yorulub. Bu sehrli varlığın dünyanı tərk edərək rahatlıq tapması üçün yalnız bir çıxış yolu var: o, mütləq adi bir insanla ailə qurmalıdır. Onun taleyinə isə ruhları görmək bacarığı olan gənc bir qız düşür.

Eyni zamanda dünyasını dəyişənlərin ruhunu axirətə yola salmaqla vəzifəli olan ölüm mələyi yaddaşını tamamilə itirib. Öz keçmişindən xəbərsiz olan bu varlıqla tokkebi və onun gələcək gəlininin yolları qəribə şəkildə kəsişir və onların birgə hekayəsi başlayır.

Cənubi Koreya istehsalı olan «Dokkaebi» serialı 2016-cı ildə rejissor Li Eun-bok tərəfindən çəkilib. Baş rollarda Qonq Yu, Kim Qo-ın, Li Donq-uk və Yu İn-na çıxış edirlər.