Tristan və İzolda

Kornuol kralı Markın qardaşı oğlu Tristan şahzadə İzoldanın qardaşını qətlə yetirir. Çox keçmədən ona gənc qızı gələcək əri olan kralın yanına aparmaq tapşırılır. Qisas almaq istəyən İzolda müşayiətçisinə zəhər verməyi planlaşdırır, lakin qulluqçu zəhəri cadulu məhəbbət içkisi ilə dəyişir. Qadağan olunmuş hisslər toy mərasimindən sonra da səngimir və gənclər gizlin görüşməyə davam edirlər.

Eşq macərasının üstü açılanda Tristan Bretana sürgün olunur. Burada hersoq Qoyelin qızı Ağəlli İzolda cəngavərin diqqətini çəkməyə çalışsa da, onun ürəyinə yol tapa bilmir. Döyüşdə ağır yaralanan Tristan sevgilisini son dəfə görmək istəyir, lakin hersoq qızı onların qovuşmasına əngəl törətməyə çalışır.

Macəra və fentezi janrında çəkilmiş «Tristan və İzolda» serialı 1998-ci ildə Almaniya, Fransa və İtaliyanın birgə istehsalı kimi təqdim olunub. Ekran əsərinin quruluşçu rejissoru Fabritsio Kosta, baş rol ifaçıları isə Ralf Bauer, Lea Bosko və Mandalataydedir.