Mənə bənzər canavar

Həyat yoldaşını xərçəng xəstəliyinə qurban verən Qeri səkkiz ildir ki, qızı Emmanı təkbaşına böyütməyə çalışır. İndi artıq on bir yaşı olan Emma psixoloq müalicəsi alır, dərmanlar qəbul edir və atası ilə münasibətləri heç cür düzəlmir. İki doğma insan arasındakı divar günü-gündən daha da böyüyür.

Günlərin birində baş verən yol qəzası hər şeyi dəyişir. Onların avtomobilinə çırpılan maşının sükanı arxasında cazibədar Meri əyləşib. Bu gözlənilməz tanışlıq Qerinin həyatına yeni ab-hava gətirsə də, Merinin heç kimə aça bilmədiyi olduqca qaranlıq sirləri mövcuddur.

Avstraliya istehsalı olan «Wolf Like Me» serialı iki mövsümdən ibarətdir. Layihənin rejissoru Eyb Forsaytdır. Baş rolları Coş Qed, Ayla Fişer, Ariel Coy Donohyu və Entoni Tofa canlandırıblar.