Frankenşteyn xronikaları

Polis müfəttişi Con Marlott qeyri-adi və qorxunc cinayətlə üzləşir: şəhərdə peyda olan qatil özünü məşhur Frankenşteyn kimi aparır. O, insan bədəninin hissələrini bir-birinə birləşdirərək kitab personajının təcrübələrini reallığa çevirməyə çalışır. Dəhşətli tapıntını ilk aşkar edən Marlott bu işin izinə düşməyə qərar verir.

İstintaqı tam məxfi şəkildə aparmaq məcburiyyətində qalan müfəttiş XIX əsr Londonunun küçələrində təkbaşına hərəkət edir. O, cinayətkarın ardınca gedərək onun yaratdığı bu dəhşətli məxluqu tapmağa çalışır. Araşdırmalar Marlottu paytaxtın ən qaranlıq guşələrinə aparıb çıxarır.

Böyük Britaniya istehsalı olan «The Frankenstein Chronicles» serialı 2015-ci ildə işıq üzü görüb və ümumilikdə 2 mövsümdən ibarətdir. Ekran əsərinin rejissorları Bencamin Ross və Aleks Qabassidir, əsas rolları isə Şon Bin, Riçi Kembpell, Tom Uord və Rayan Sempson canlandırır.