Ragnarok

Magne və Laurits adlı yeniyetmə qardaşlar anaları ilə birlikdə Norveçin kiçik Edda şəhərciyinə köçürlər. Atalarının ölümündən sonra vaxtilə tərk etdikləri bu məkana qayıtmaqlarına səbəb ananın yerli Jutul ailəsinə məxsus zavodda mühasib kimi iş tapması olur. Bütün şəhərdə söz sahibi olan Jutullar böyük nüfuza malikdir: ailənin anası məktəb direktoru, övladları Fjor və Saksa isə şagirdlərin ən populyarlarıdır.

Magne sinif yoldaşının bu zəngin ailəyə qarşı apardığı mübarizəyə qoşulur, çünki qız zavodun fiyordu civə ilə zəhərlədiyindən şübhələnir. Hadisələrin gedişində gənc oğlan özündə qeyri-adi güc kəşf edir və ağır çəkici beş yüz metrdən uzağa ata bildiyini görür.

«Ragnarok» serialı Danimarka və Norveç istehsalıdır və ümumilikdə 3 mövsümdən ibarətdir. Ekran işinin rejissorları Mogens H. Kristiansen və Yannik Yohansen, baş rol ifaçıları isə David Aleksandr Şoholt, Yonas Strandt Qravli, Herman Tömmeros və Tereza Frostad Eqqesbödür.