Fantom

Valideynləri muzdlu qatillər tərəfindən qətlə yetirildikdən sonra Kit Uolker möcüzə nəticəsində sağ qalaraq övladlığa götürülür. Yeniyetməlik illərindən etibarən o, qeyri-adi fiziki bacarıqları ilə yaşıdlarından seçilir. Tezliklə bu istedadlar gizli fəaliyyət göstərən xüsusi təşkilatın diqqətini çəkir və onlar gənci izləməyə başlayırlar.

İzlənmənin səbəbini araşdıran Kit «Bayteyp» adlı məxfi qurumun rəhbəri ilə qarşılaşır. Həmin görüşdə o öyrənir ki, valideynləri bu xidmətin ən güclü agentləri olub və onun damarlarında fövqəlbəşəri gücə malik insanların qanı axır.

2009-cu ildə ABŞ və Kanadanın birgə istehsalı kimi təqdim olunan «The Phantom» serialının rejissoru Paolo Barzmendir. Ekran əsərində baş rolları Rayan Karnes, Sandrin Holt, Kameron Qudman və Jan Marşan canlandırıblar.