Jordskott

Yeddi il əvvəl meşədə gəzinti zamanı Evanın qızı yoxa çıxmışdı. Uzun müddət əlaqə saxlamadığı atasının intihar xəbərini alan qadın doğma kəndi Silverhöydə qayıtmaq məcburiyyətində qalır. Lakin o, kəndə çatan kimi yeni bir itki xəbəri alır: yerli sellüloz zavodunun rəhbərinin Anton adlı oğlu qəfil qeyb olub.

Axtarışlar nəticəsiz qalır və müəssisə rəhbərliyinin nəyisə gizlətdiyi aydınlaşır. Baş verənlər Evaya öz qızını xatırladır və o, uşağının hələ də sirli rəvayətlərlə dolu bu meşədə sağ qala biləcəyini düşünür. Kənddə izahı olmayan qəribə hadisələr zənciri başlayır və qadın yerli polislə birlikdə meşənin gizlətdiyi sirləri öyrənməyə çalışır.

«Jordskott» serialı dram, detektiv və fentezi janrlarının sintezindən ibarətdir. İsveç, Böyük Britaniya, Norveç və Finlandiyanın birgə istehsalı olan bu iki mövsümlük layihə 2015-ci ildə rejissorlar Henrik Byorn və Anders Enqstryom tərəfindən çəkilib. Baş rolları Moa Qammel, Yoran Raqnerstam, Riçard Forsqren və Happi Yankell canlandırırlar.