Mənə ürəyini verdiyin üçün

Məktəb vaxtı utancaq Ame Aihara sinif yoldaşı Taiyo Asano ilə yaxınlaşmış və ikili arasında qarşılıqlı hisslər yaranmışdı. Lakin buraxılışdan sonra qız qənnadçı olmaq arzusu ilə Tokioya yola düşür və onların əlaqəsi kəsilir. Səkkiz ildən sonra Ame doğma Naqasaki şəhərinə qayıdır və burada ailəsinin atəşfəşanlıq sənətini davam etdirən Taiyo ilə yenidən rastlaşır.

İki gəncin qovuşması faciəvi hadisə ilə pozulur: Taiyo ağır qəzaya düşərək ölüm ayağında qalır. Ümidsizliyə qapılan qızın qarşısına o biri dünyadan gəlmiş sirli bir bələdçi çıxır. O, sevdiyi oğlanı xilas etməyi təklif edir, lakin bunun əvəzində qızın ürəyini, yəni bütün beş duyğusunu qurban verməsini istəyir.

2024-cü il istehsalı olan «Kimi ga Kokoro wo Kuretakara» romantik və fentezi janrında çəkilmiş Yaponiya serialıdır. Ekran əsərinin rejissorları Hiroaki Matsuyama və Hideyuki Aizawadır, baş rolları isə Mei Nagano ilə Yuki Yamada canlandırır.