Anikulapo: Rise of the Spectre

Ölümündən sonra axirət dünyasının qapısına gələn Saro o biri dünyaya buraxılmır. Əbədi aləmin keşikçisi onun həyat və ölüm nizamını pozduğunu bildirir. Ruhlar aləmində ilişib qalmamaq üçün o, qoruyucunun şərtini qəbul etməlidir: yer üzünə qayıtmalı və vaxtilə sehrli gücü ilə diriltdiyi iyirmi nəfərin canını geri almalıdır.

«Anikulapo: Rise of the Spectre» serialında bir xəyala çevrilən qəhrəman bu ağır tapşırığı yerinə yetirmək üçün yenidən insanların arasına qayıdır. Lakin həmin vaxt yer üzündə vəziyyət qarışıb. Saro xilas etdiyi insanları axtardığı vaxt yerli əyanlar onun sahib olduğu mistik gücü ələ keçirmək üçün mübarizəyə başlayır.

2024-cü ilin Nigeriya istehsalı olan bu fentezi dramının rejissoru Kunle Afolayandır. Əsas rolları Bimbo Ademoye, Oyikunle Oluwaremi, Sola Sobowale və Taiwo Hassan canlandırıblar.