Cümə, ayın 13-ü

Antikvar mağazasının sahibi Lüis şeytanla sövdələşmə bağlayaraq satdığı hər bir əşyaya məhvedilməzlik və qorxunc qüvvə qazandırır. İnsan zəifliklərindən bəhrələnən bu lənətlənmiş əşyalar sahibinə istədiyini yalnız başqalarının qətli müqabilində verir. Cinayətlər iz qoymadan, bədbəxt hadisə və ya təbii ölüm kimi baş verdiyindən qurbanların sirrini açmaq mümkün olmur.

Lüisin ölümündən sonra qohumları Mikki və Rayan, həmçinin Cek Marşak bu təhlükəli mirası aşkar edirlər. Üçlük satılmış bütün lənətli şeyləri tapıb zərərsizləşdirməyə çalışır. Lakin həmin əşyalardan asılı vəziyyətə düşən sahibləri onlardan ayrılmaq istəmir və hər kəsi amansızcasına aradan qaldırmağa hazırdır.

Kanada istehsalı olan «Friday the 13th: The Series» serialı 1987-ci ildə yayımlanıb və 3 mövsümdən ibarətdir. Ekran əsərinin rejissorları Uilyam Früit və Timoti Bonddur. Baş rolları Luiz Roubi, Kris Uiggins, Con D. Lemey və Stiv Monarke canlandırıblar.