Vampirin gündəlikləri

Valideynlərini avtomobil qəzasında itirən on yeddi yaşlı Yelena Gilbert və onun kiçik qardaşı Ceremi dörd aydan sonra bu ağır kədərlə yaşamağa çalışırlar. Məktəbin ən populyar və uğurlu şagirdlərindən sayılan Yelena üçün daxili sarsıntılarını ətrafdakılardan gizlətmək heç də asan olmur. Yeni tədris ilinin ilk günlərində məktəbə gələn sirli Stefan Salvatore adlı gənc qızın və dostlarının marağına səbəb olur.

Stefan ilə Yelena arasında dərhal güclü bağ yaranır, lakin oğlan əslində yüz illərdir yaşayan və insanlar arasında dinc qalmağa çalışan bir vampirdir. Onun qəddar və amansız qardaşı Deymonun gəlişi isə vəziyyəti tamamilə dəyişir. İki vampir qardaşın toqquşması Yelenanın, onun dostlarının və bütün Mistik Folls şəhərciyinin taleyinə təsir edir.

ABŞ istehsalı olan «The Vampire Diaries» serialı 2009-cu ildə yayımlanmağa başlayıb və 8 mövsümdən ibarətdir. Ekran işinin rejissorları Kris Qrismer və Coşua Batlerdir, baş rolları isə Pol Uesli, İen Somerholder, Ket Qrem və Kendis Kinq canlandırıblar.