Həmişə cadugər

On yeddinci əsrdə tonqalda yandırılmaqdan son anda qurtulan Karmen adlı gənc cadugər zaman səyahəti edərək müasir Kartaxenaya düşür. Geridə qoyduğu sevgilisini xilas etmək istəyən qız, əvvəlcə ona tamamilə yad olan bu yeni şəhər mühitinə ayaq uydurmalıdır. Ətrafdakı hündür binalar, maşınlar və texnoloji yeniliklər onun üçün tamamilə anlaşılmazdır.

Bu qəribə zəmanədə istiqamət tapmaq və sehrli qabiliyyətlərini idarə etməyi öyrənmək üçün ona yerli tanışlar və özü kimi sənət yoldaşları dayaq olur. Qəribə dostlarının dəstəyi ilə Karmen həm XXI əsrin qaydalarına alışır, həm də öz keçmişinə kömək etmək üçün yollar axtarır.

Kolumbiya istehsalı olan «Siempre Bruja» serialı fentezi və melodram janrlarını birləşdirir. Layihənin rejissor kürsüsündə Liliana Bokaneqra və Mateo Stivelberq əyləşib, əsas obrazları isə Anxeli Qaviriya, Dilan Fuentes və Sofiya Arauxo canlandırıb. Serial iki mövsümdən ibarətdir.