Ən yaxşı müəllim

Horai liseyində kimya fənnini tədris edən Rina Kucyo çətin «3-D» sinfinin rəhbəridir və şagirdləri ilə hər zaman məsafə saxlayır. Məzuniyyət günü naməlum şəxs onu dördüncü mərtəbənin eyvanından aşağı itələyir. Həmin an qadın yıxılarkən təkcə məktəbli formasının qolunu görə bilir, lakin hadisə ölümlə nəticələnmir.

Rina gözlənilmədən bir il geriyə qayıdır və tədris ilinin ilk günündə yenidən öz şagirdlərinin qarşısında dayanır. Otuz məktəblidən birinin gələcəkdə onu öldürməyə cəhd edəcəyini anlayan müəllimə davranışını tamamilə dəyişmək qərarına gəlir. O, həyatını xilas etmək və həqiqəti üzə çıxarmaq üçün uşaqların problemlərinə yaxından bələd olmağa çalışır.

«Saiko no Kyoshi: Ichinengo, Watashi wa Seito ni Sareta» adlı Yaponiya istehsalı olan mistik triller serialı 2023-cü ildə ekranlara çıxıb. Layihənin rejissoru Suzuki Yuma, baş rol ifaçıları isə Matsuoka Mayu və Ashida Manadır.