La Pluie

Hər yağış yağanda bəzi insanlar tam bir səssizliyə bürünür. Ətrafdakı bütün səslər kəsilir və onlar yalnız taleyin bəxş etdiyi ruh əkizlərinin düşüncələrini eşidə bilirlər. Baş qəhrəman Senqtay isə bu cür qədər anlayışına güvənmir və leysan vaxtı qarşı tərəfin göndərdiyi zehni mesajlara illərlə məhəl qoymur. Onun bu şübhələri ruh əkizi olan valideynlərinin vaxtilə boşanması ilə bağlıdır.

Günlərin birində kafedə Phat adlı gənclə təsadüfi görüş hər şeyi dəyişir. Çox keçmədən aydın olur ki, həmin bu yad adam hər yağışda ağlında səsi əks-səda verən həmin sirli şəxsdir. İki gəncin münasibətləri bu kəşfdən sonra yeni mərhələyə qədəm qoyur.

2023-cü il istehsalı olan «La Pluie» fentezi və dram elementlərini birləşdirən Tailand serialıdır. Layihənin rejissoru Golfyims Vorachai Nualsri olub, baş rolları isə Pee Peerawich Ploynumpol və Title Tanatorn Saenangkanikorn ifa ediblər.