Mənim kabusum

Mətbəxdə çalışan Na Bon-son olduqca utancaq və özünə qapanıq qızdır, bu səbəbdən də heç bir dostu yoxdur. Şaman olan nənəsi sayəsində o, uşaqlıqdan bəri ruhları görmək və onlarla ünsiyyət qurmaq bacarığına malikdir. Günlərin birində onun bədəninə cəsarətli və hiyləgər Şin Sun-enin ruhu daxil olur.

Ulduz aşpaz Kan Son-u isə özünə güvənən, yaraşıqlı və karyerasında zirvəyə can atan biridir. Bon-son gizlincə ona qarşı hisslər bəsləsə də, kişi qızı heç vaxt fərqinə varmayıb. Lakin içinə ruh daxil olduqdan sonra Bon-sonun davranışı kəskin dəyişir və nəhayət baş aşpazın diqqətini cəlb edir.

Fantaziya və melodram janrlarını birləşdirən Cənubi Koreya istehsalı «Oh naui gwishinnim» serialı 2015-ci ildə nümayiş olunub. Layihənin rejissoru Yu Cə-vondur. Əsas rolları Pak Bo-yon, Ço Con-sok, Lim Cu-hvan və Kim Sıl-qi canlandırıblar.