Bar «Bir zəng»

Müstəntiq Andrey Morozov komada olan həyat yoldaşının itkin düşmüş oğlunu axtarır. Bütün ipucları onu gözlənilmədən müxtəlif yerlərdə peyda olub yox çıxan və arxasında meyitlər qoyan müəmmalı «Bir zəng» barına doğru aparır.

Məkanın kinayəli barmeni müştərilərə içki təqdim etməklə yanaşı, vəfat etmiş yaxınları ilə telefon əlaqəsi qurmağa da şərait yaradır. Vara-dövlətə sahib ərindən qurtulmaq istəyən Janna, anasından asılı qalmış hüquqşünas Maks və o biri dünya ilə əlaqəsini anlamağa çalışan bloqer bu sirli məkana üz tutanlar sırasındadır.

Fentezi və triller janrındakı serialın rejissoru Sergey Filatovdur. 2025-ci ildə Rusiyada istehsal olunmuş layihənin baş rollarında Danila Kozlovski, Aleksandr İlyin kiçik, Kay Gets və Polina Auq çəkiliblər.