Gizli

Hüquq fakültəsində təhsil alan Yonas eyni zamanda xəstə anasına baxır və tikintidə çalışır. Tez-tez təkrarlanan baş ağrılarını o, gərginlik və yorğunluqla əlaqələndirir, başqa insanlardan nə dərəcədə fərqləndiyini ağlına belə gətirmir. Bədbəxt hadisə nəticəsində ölümlə üz-üzə qaldıqdan sonra hər şey tamamilə dəyişir.

Sağ qalan Yonas özündə tamamilə fərqli bir qüvvə və yeni istəklər hiss edir. Naməlum şəxslərin hədəfinə çevrildiyini anladıqda isə qaçmaq məcburiyyətində qalır. O, ritual qətlləri araşdıran keçmiş polis Vivika Eldh ilə qarşılaşır və onunla birlikdə Stokholmun gizli, alternativ tərəfini kəşf edir.

İsveç istehsalı olan «Hidden: Förstfödd» adlı fentezi trilleri 2019-cu ildə işıq üzü görüb. Serialın rejissor kürsüsündə David Berron və Conatan Sjöberq əyləşib. Baş rolları Auqust Vitqenştayn, İzabella Skorupko, Anders Mosslinq və Yuzefina Yunqman canlandırıblar.