Wisher

«Wisher» serialı telefonlarında qəfil sirli mobil tətbiq peyda olan bir qrup tələbədən bəhs edir. Həmin proqram istifadəçilərə istənilən arzunu gerçəkləşdirməyi vəd edir. Bunun müqabilində isə sistem tərəfindən təsadüfi şəkildə seçilən sadə bir tapşırığı yerinə yetirmək tələb olunur.

Asan yolla istəklərinə çatmaq həvəsinə düşən gənclər tapşırıqları icra etməyə başlayırlar. Çox keçmir ki, bu addımlar dağıdıcı hadisələr zəncirinin yaranmasına səbəb olur. Nəticədə aydınlaşır ki, tətbiqin arxasında qaranlıq niyyətləri olan gizli bir təşkilat dayanır.

Çin istehsalı olan bu mistik triller 2021-ci ildə işıq üzü görüb. Ekran işinin rejissoru Yan Myaodur. Serialın əsas rollarını Fen Şaofen, Viki Çen, Şao Bin və Yan Jun canlandırıb.