Saray: Məkrli qadınlar

Ssenarist Qao Xinyue tarixi dram üzərində çalışır, lakin həmkarı Şu Miao mətni xəlvətcə tanınmaz dərəcədə dəyişərək rəhbərliyə təqdim edir. Təhrif edilmiş ssenarini geri çağırmaq üçün şirkətə yollanan qız qəribə şəkildə öz yazdığı əsərin içində peyda olur.

Yaratdığı dünyada o, imtiyazlı baş qəhrəman deyil, üçüncü şahzadə Linq Hunqun hüquqsuz kənizlərindən birinə çevrilir. Başqasının etdiyi dəyişikliklər ucbatından qəhrəman təhlükəli saray intriqaları və düşmən personajların fitnələri ilə üzləşir. Həyatda qalmaq üçün o, öz hekayəsinin yad qaydaları ilə mübarizə aparmağa məcburdur.

2021-ci il istehsalı olan Çin serialı «Yi zhi ji feng yue» tarixi dram, fentezi, komediya və romantika janrlarını birləşdirir. Əsas rolları Zhao Jiamin, Ryan Zhu, Huang Xinyao və Yang Fuyu canlandırıb.