Şir Əsası

Əsrlər öncə krallığı qorumaq məqsədilə yaradılan sehrli artefakt hakimiyyət davası zamanı parçalanır. İllər sonra buddist rahib tərəfindən böyüdülən və sehrli döyüş sənətlərinə yiyələnən Tray valideynlərinin ölüm səbəbini öyrənmək üçün doğma şəhərinə yollanır.

Şəhərə çatdıqda gənc qatil dəstələrinin hökmranlığı ilə qarşılaşır və ailəsinin məhz həmin relikviyanı ələ keçirmək istəyən cinayətkarlar tərəfindən öldürüldüyünü öyrənir. Burada Tray qədim əşyanın axtarışında olan nüfuzlu mafiya başçısının qızı, gənc tədqiqatçı Sarinda ilə tanış olur. "The Wand Warrior" serialının personajları qüdrətli əsanın hissələri uğrunda gedən təhlükəli mübarizənin içinə düşürlər.

Tayland istehsalı olan bu fantastik macəra serialı 2021-ci ildə nümayiş olunub. Ekran əsərinin rejissoru Ratthakit Kittiratthanaphokin, baş rol ifaçıları isə Bank Artit Tangwiboonpanit və Pupe Kessarin Noiphuengdir.