Pulsaciones

Bacarıqlı cərrah Aleks ən çətin əməliyyatları icra edərək saysız-hesabsız insanın həyatını xilas edib. Lakin qəfil baş verən infarkt onun karyerasına birdəfəlik son qoyur və bu dəfə həkimin özü köməyə möhtac qalır. Həmkarları təcili ürək köçürməsi həyata keçirərək onu ölümdən qurtarmağı bacarırlar.

Sağ qalan Aleks çox keçmədən yad xatirələrin və donorun keçmişinə aid qarabasmaların əsirinə çevrilir. Nələr baş verdiyini anlamaq üçün o, köksündəki ürəyin əsl sahibinin kimliyini araşdırmaq qərarına gəlir. Həqiqətin izinə düşən cərraha bu müəmmalı işdə marağı olan gənc jurnalist qadın dəstək olur.

İspaniya istehsalı olan «Pulsaciones» serialının rejissor kürsüsündə Emilio Araqon və David Uloa əyləşib. 2016-cı ilin triller layihəsində əsas obrazları Pablo Derki, Leonor Uotlinq, İnqrid Rubio və Meriçell Kalvo canlandırır.