Mən sənəm

Böyük bacısını itirdikdən sonra ağır günlər keçirən varlı Eliz qəzaya düşür, lakin onu Roza adlı kimsəsiz bir qız xilas edir. Xilaskarının ona bir damcı su kimi bənzədiyini görən Eliz heyrətə gəlir. O, Rozanı öz imarətinə dəvət edir, ailəsi ilə tanış edir və ona zəngin həyatın bütün imkanlarını yaradır.

Lakin çox keçmir ki, doğmalarının və dostlarının bu yeni qıza göstərdiyi diqqət Elizin qısqanclığına səbəb olur. Özünü təhlükədə hiss edən gənc qadın yad birinin onun yerini tutmasından qorxur. Getdikcə kəskinləşən bu rəqabət açıq düşmənçiliyə çevrilir və Eliz öz bənzərini əvvəlki yoxsul həyatına qaytarmaq qərarına gəlir.

«Mən sənəm» (I Am U) Filippin istehsalı olan melodram, triller və mistika janrında çəkilmiş serialdır. 2020-ci ildə ekranlara çıxan layihənin baş rollarında Culiya Barretto və Tony Labrusca çəkiliblər.