Demon qız

Çin istehsalı olan «Demon qız» serialında hadisələr Tsin sülaləsinin son illərində cərəyan edir. Ölkə xarici qoşunların hücumuna məruz qalarkən Yin De ailəsini ölümdən xilas etmək üçün qanadlı demon olduğunu üzə çıxarır. Təkbaşına döyüşə atılan qadın həyatını itirir və bu hadisəyə professor Tszyan şahidlik edir. Həyat yoldaşı Ne Rufen isə kiçik qızlarını götürərək uzaqlara köçür və onların qeyri-adi mənşəyini hamıdan gizlədir.

Aradan on beş il keçir. Böyük qız Ne Tsinçen özündəki demon qanından xəbərsiz böyüyür və varlı ailədən olan Min Sya adlı gənclə tanış olur. Lakin bu tanışlıq və keçmiş hadisələri araşdıran tədqiqatçıların diqqəti onların dinc həyatını təhlükə altına qoyur.

Tarixi və fantastik motivləri birləşdirən ekran əsərinin rejissoru Zhenming Liudur. Əsas obrazları Li Yitong, Zhang Zhehan, Mersat və Josef Waite canlandırırlar. 2016-cı ildə yayımlanan serial iki mövsümdən ibarətdir.