Cadugərin restoranına xoş gəlmisiniz

İyirmi səkkiz yaşlı Con Cinin həyatı dalana dirənir: işindən qovulur, sevgilisindən ayrılır və yeni açdığı şəxsi restoranı iflas edir. Məhz belə ağır bir dövrdə onun qarşısına özünü cadugər adlandıran sirli Ço Hi-ra çıxır və maraqlı bir təklif irəli sürür.

Hi-ranın məqsədi gələn qonaqların istənilən arzusunu gerçəkləşdirən xüsusi təamlar hazırlamaqdır, lakin müştəri bunun müqabilində cadugərin istədiyi bədəli ödəməlidir. Con Cin əvvəlcə bu qəribə təklifə şübhə ilə yanaşır. Lakin qadının bişirdiyi yeməyin dadına baxdıqdan sonra fikrini dəyişir və onlar birlikdə çalışmağa başlayırlar.

Cənubi Koreya istehsalı olan «Manyeosikdangeuro oseyo» adlı fentezi serialı 2021-ci ildə nümayiş olunub. Layihənin rejissorluğunu So Ce-hyon və Li Su-hyon həyata keçirib, baş rolları isə Son Ci-hyo, Nam Ci-hyon, Çhe Con-hyop və Yun Da-yon canlandırıb.