Və yenə salam!

Boris uzun müddət cinayətkar rəhbərinin ən amansız tapşırıqlarını yerinə yetirir, insanları qorxudur və aradan götürürdü. Günlərin birində o, qaranlıq keçmişini geridə qoyub öz qənnadı mağazasını açmaq qərarına gəldi. Bu niyyətini müdirinə bildirən kimi Boris həmin gün qətlə yetirildi. Lakin o, qəfil şəkildə meyitxanada gözlərini açaraq yenidən həyata qayıtdı.

Boris burada təcrübə keçən tibb tələbəsi Artyom ilə tanış olur. Məlum olur ki, onu öldürən naməlum şəxslər həm də bütün yığılmış pullarını ələ keçiriblər. Baş qəhrəman intiqam almaq və sərvətini geri qaytarmaq üçün axtarışa başlayır. Bu yolda o, dəfələrlə yenidən öldürülsə də, dirilməyə davam edir, gənc tələbə isə onun yaralarını tikmək və sınıqlarını düzəltmək məcburiyyətində qalır.

Fantaziya və kriminal komediya janrında çəkilmiş «Və yenə salam!» serialının rejissoru Yeqor Çiçkanovdur. Rusiya istehsalı olan bu layihə 2022-ci ildə işıq üzü görüb və üç mövsümdən ibarətdir. Baş rolları Andrey Merzlikin, Denis Vlasenko, Aleksey Serebryakov və Pavel Çinaryov canlandırıblar.