Tərcüməçi

Tanışlarının «Çarli Çaplin» adlandırdığı kimya müəllimi Andrey Petroviç Starikov anası və həyat yoldaşı ilə birlikdə yaşayır. Onların mənzili müxtəlif millətlərdən olan insanların — ukraynalıların, rusların, tatarların, yəhudilərin və ermənilərin qonşuluq etdiyi köhnə bir həyətdə yerləşir. Şəhərin almanlar tərəfindən işğalı bu birgə yaşayışa son qoyur.

Yaxınlarını qorumaq istəyən adi və sakit təbiətli Andrey Petroviç düşmən qərargahında tərcüməçi kimi işləməyə məcbur qalır. İşğalçıların arasında fəaliyyət göstərən müəllim doğmalarını xilas etmək naminə qəhrəmanlıq yolunu seçməli olur.

«Tərcüməçi» (Perevodchik) hərbi dram serialı 2013-cü ildə Rusiyada istehsal edilib. Ekran əsərinin quruluşçu rejissoru Andrey Proşkindir. Baş rolları Vitali Xayev, Yoaxim Paul Assbök, Larisa Malevannaya və Karina Andolenko canlandırıblar.