Qurdlar yayı

Cəbhədə yaralanan gənc leytenant məzuniyyət alaraq doğma kəndinə üz tutur. Döyüşlərdən uzaqda, meşələrin qoynunda yerləşən bu kənd zahirən müharibədən zərər çəkməyib. Lakin evdə onu gözlənilməz bir soyuqluq qarşılayır. Sevdiyi qız onunla danışmaq belə istəmir, həmkəndliləri görüşməkdən yayınır, doğma nənəsi isə təltifləri çıxarmağı və meşəyə getməməyi yalvarır.

Ətrafda baş verən qəddar qətllər kənddəki səssizliyi pozur və zabiti təhlükə ilə üz-üzə qoyur. O, meşədə gizlənən cinayətkarlara qarşı mübarizəyə başlamaq qərarına gəlir. Həmin qatilləri tapmaq üçün isə kənd sakinlərindən kimin onlara kömək etdiyini aydınlaşdırmaq lazımdır.

2011-ci il istehsalı olan «Qurdlar yayı» hərbi dram serialı Rusiyada rejissor Dmitriy İosifov tərəfindən çəkilib. Ekran əsərində baş rolları Aleksey Bardukov, İqor Sklyar, Yuliya Peresild və Mariya Kulikova canlandırıblar.