Qar və kül

1942-ci ildə böyük sovet hərbi birləşməsi düşmən mühasirəsinə düşür. Bölməni arxa cəbhə ilə yalnız bataqlıqların əhatəsində olan ensiz keçid bağlayır. Qarşı tərəf hücuma hazırlaşır, qızılorduluların arasında isə təcrübəli təxribatçı fəaliyyət göstərir. Xainin kimliyini müəyyənləşdirmək üçün Xalq Daxili İşlər Komissarlığı cəbhəyə mayor Urusovu və üç gənc kəşfiyyatçını göndərir.

Özünü polkovnik Yampolski kimi təqdim edən Urusov təhqiqata başlayır, lakin casus da boş dayanmır. O, şahidləri aradan götürür və keçilməz meşənin içindən alman zirehli texnikasının hərəkəti üçün yol çəkilməsini təşkil edir. Mayorun şübhələndiyi şəxslərin sayı artır, amma hər bir ehtimal növbəti addımda puça çıxır.

«Qar və kül» («Sneq i pepel») hərbi dedektiv serialı 2015-ci ildə Rusiyada çəkilib. Ekran əsərinin quruluşçu rejissoru Aleksandr Kiriyenkodur. Baş rolları Denis Şvedov, Olqa Sutulova, Anatoli Belıy və Konstantin Vorobyov canlandırıblar.