Susuzluq

Faşist qüvvələri Dnestr çayı sahilindəki Belyayevka kəndində yerləşən su stansiyasını ələ keçirərək mühasirədə olan Odessanı susuz qoyur. Elə həmin ərəfədə sovet əsgərləri rus mənşəli rumın hərbçisi Andreyi əsir götürürlər. Məlum olur ki, o, müharibədən əvvəl məhz həmin su stansiyasının tutulması planı üzrə diplom işi müdafiə edib.

Komandanlıq əsiri təlimatçı təyin edir və ona xüsusi desant qrupunu hazırlamağı tapşırır. Dəstə stansiyanı geri qaytarmalı, su təchizatını bərpa etməli və oranı lazımi müddətdə müdafiə etməlidir. Bu zaman dəstə döyüşçüsü Oqonyok sevgilisi Annanın Andreyə rəğbət bəslədiyini hiss edir. İlk desant dəstəsinin tapşırığı yerinə yetirəcəyi və ya ehtiyat qüvvələrin döyüşə cəlb olunacağı sual altında qalır.

«Susuzluq» adlı hərbi-tarixi serial 2010-cu ildə nümayiş olunub. Rusiya və Ukrayna istehsalı olan bu layihənin rejissoru Aleksey Kolmoqorovdur, əsas rolları isə Taras Bibiç, Karina Andolenko, Aleksandr Yefremov və Sergey Udovik canlandırıblar.