Qadın taboru

1917-ci ilin yazında Fevral inqilabı Rusiyanın daxili vəziyyətini və Birinci Dünya müharibəsinin gedişatını tamamilə dəyişir. Çar taxtdan imtina edir, cəbhədə isə bolşeviklərin döyüşləri dayandırmaq çağırışları getdikcə güclənir. Zabitlərin qərarları əsgər komitələrindən asılı hala düşür və ordu dağılmaq təhlükəsi ilə üz-üzə qalır.

Müvəqqəti hökumət əsgərlərdə döyüş əzmini bərpa etmək üçün xüsusi qadın hərbi dəstəsi yaratmaq barədə qərar qəbul edir. Bu birliyin komandanlığı Georgi kavalyeri Mariya Boçkaryovaya həvalə olunur. Könüllü toplaşan qadınlar öz mətanəti, cəsarəti və dözümlülüyü ilə cəbhədəki əsgərlərə nümunə olmağa çalışırlar.

«Женский батальонъ» tarixi hərbi serialı 2015-ci ildə Rusiyada çəkilib. Ekran əsərinin quruluşçu rejissorları Dmitri Mesxiyev və İqor Uqolnikovdur. Əsas rolları Mariya Aronova, Mariya Kojevnikova, Marat Başarov və Yevgeni Dyatlov canlandırıblar.