Şərəfim var!

Kapitan Çislov Çeçenistan ərazisindəki hərbi əməliyyatlarda iştirak edir. Onun və silah yoldaşlarının canlarını təhlükəyə atmaq üçün heç bir maddi marağı yoxdur: zabitin nə şəxsi mənzili, nə pulu, nə də ailəsi var. Həm döyüş meydanında, həm də dinc həyatda o, xəyanətlərlə üzləşir.

Müharibədən uzaqda, dinc və təhlükəsiz Peterburqda olanda imkanlı və gözəl bir qadın onun bu acı vəziyyətini üzünə vurur. Lakin bütün çətinliklərə baxmayaraq, Çislov zabit şərəfini qoruyub saxlayır və öz prinsiplərindən geri çəkilmir.

«Şərəfim var!» hərbi serialı 2004-cü ildə Rusiyada çəkilib. Layihənin rejissor kürsüsündə Viktor Buturlin və Boris Pavlov-Silvanski əyləşib, əsas rolları isə Aleksandr Lazarev (kiçik), Yevgeniya Kryukova, Andrey Frolov və Natalya Kruqlova canlandırıblar.