Müharibənin son günü

İkinci Dünya müharibəsinin sonlarında yaralı döyüşçü Nikolay Rokotov hospitala düşür. Cəbhəyə tez qayıtmaq istəyən əsgər tibb bacısını hospital rəisinin təqiblərindən qoruyarkən həbs olunur. Təcridxanada o, pəhləvan Talıbov, ziyalı Vaysman və oğru Malyuta ilə tanış olur. Şəraitin gedişatı ilə bu dörd nəfər qaçmağı bacarır və Rokotovun almanlardan indicə təmizlənmiş doğma kəndinin yaxınlığına gəlib çatır.

Kənd sakinləri qələbəni gözləsə də, ətrafda qorxulu hadisələr baş verir və insanlar nədənsə bəd qüvvələrdən bəhs edir. Çox keçmir ki, meşədə faşistlərlə qaça bilməyən yerli satqın polis dəstələrinin gizləndiyi üzə çıxır. Bu qruplaşmalar kəndliləri soyur, qırmızıorduluları öldürür və təxribatlar törədir. Nikolay yeni yoldaşları ilə birlikdə həm meşədəki silahlılara, həm də kəndin içində gizlənən xainlərə qarşı mübarizəyə başlayır.

«Müharibənin son günü» (Последний день войны) adlı hərbi dram serialı Ukraynada 2020-ci ildə rejissor Vitali Vaşşenko tərəfindən çəkilib. Baş rollarda Maksim Raduqin, Aleksandr Melnik, Lyubov Tişşenko və Aleksey Dmitriyev yer alıblar.