Duman

Hərbi təlim zamanı bir qrup gənc əsgər yolu qısaltmaq qərarına gələrək əsas dəstədən ayrılır. Qəfildən qarşılarına çıxan sıx duman onların ətrafını bürüyür və heyəti Böyük Vətən müharibəsi dövrünə aparır. Müasir dövrün çağırışçıları gözlənilmədən keçmişin gerçək döyüş meydanında qalırlar.

Əvvəllər müharibəni ancaq kinolarda görmüş gənclər indi tarixin amansız sınaqları ilə üzləşirlər. Onlar sağ qalmaq və təhlükə ilə mübarizə aparmaq üçün hərbi hazırlıqlarını real döyüş şəraitində sınamalı olurlar.

Rusiyada çəkilmiş «Duman» fantastik hərbi serialı 2010-cu ildə nümayiş olunub və layihə 2 mövsümdən ibarətdir. Ekran əsərinin quruluşçu rejissorları İvan Şurxovetski və Artyom Aksenenkodur, əsas rolları isə İqor Şmakov, Vasili Rakşa və Artyom Krestnikov canlandırıblar.