Sos mi vida

Monita ləqəbli Esperanza Munos yarım-yüngül çəkidə peşəkar boksçu kimi çıxış edirdi. Qolundan aldığı ciddi zədə səbəbindən o, rinqi tərk etmək məcburiyyətində qalır. Ailəsini, o cümlədən tənbəl sevgilisini və onun anasını dolandırmaq üçün gənc qadın dərhal yeni iş axtarışına çıxır.

Bu axtarışlar onu Martin Kesadanın rəhbərlik etdiyi şirkətə gətirir. Keçmiş avtoyarışçı olan Martin həyat yoldaşını və valideynlərini itirdikdən sonra idmandan uzaqlaşmış, uzun müddət səyahət edərək kədərini unutmağa çalışmışdır. Həmin ərəfədə onun Konstansa adlı şıltaq bir nişanlısı olsa da, Martin Esperanzanı şəxsi köməkçisi kimi işə götürür. Çox keçmədən iş adamı küçədə qalmış üç uşağı övladlığa götürür və Monita onun gündəlik həyatının ayrılmaz parçasına çevrilir.

«Sos mi vida» serialı 2006-cı ildə Argentinada istehsal olunub. İdman və komediya çalarlarına malik melodramın quruluşçu rejissorları Rodolfo Antunes və Daniel Defilippodur. Baş rolları Fakundo Arana, Nataliya Oreyro, Karlos Belloso və Karla Peterson canlandırıb.