Hərbi fitnes

Rusiya ordusunun kapitanı Jimov qadınlara qarşı qəribə bir allergiyadan əziyyət çəkir. Əks cinsin nümayəndələri yaxınlaşanda onun gözləri yaşarır, bədəni qaşınır və asqırmağa başlayır. Qadınlardan uzaq durmağa çalışan zabitin rəhbərliyinə polkovnik Çaryova təyin edildikdə isə vəziyyət qəlizləşir. Baş verən xoşagəlməz hadisədən sonra Jimovun qarşısına ordu sıralarından birdəfəlik qovulmaq təhlükəsi çıxır.

Zabitə sərt bir şərt qoyulur: o, ya qadınlarla bir yerdə işləməyi öyrənməlidir, ya da hərbi karyerası ilə vidalaşmalıdır. Vəzifəsini qorumaq istəyən kapitan qadınlar üçün nəzərdə tutulmuş idman düşərgəsinə fitnes məşqçisi kimi yollanır. Bu çətin mühitdə Jimovu əsl mübarizə gözləyir və bu sınaqdan qalib çıxmaq ona təkcə orduda qalmaq şansı deyil, həm də sevgi bəxş edə bilər.

2016-cı ildə yayımlanan «Hərbi fitnes» serialı Rusiya istehsalıdır. Ekran işinin rejissoru Eduard Bordukovdur. Əsas rolları Konstantin Solovyov, Anastasiya Pronina, Danila Yakuşev və Yekaterina Solomatina canlandırıblar.