Uşaqlı arvad axtarıram

Boris və Vera gizli münasibətlərini dəniz sahilində davam etdirmək qərarına gəlirlər. Həyat yoldaşı İqorun heç nədən şübhələnməməsi üçün Vera rəfiqəsi olan astroloq Karina ilə Yaltaya getdiyini söyləyir. Lakin İqor gözlənilmədən tətilə arvadı ilə birlikdə getmək istədiyini bildirir və bütün planları alt-üst edir.

Vəziyyəti xilas etməyə çalışan Boris çıxış yolu tapır. O, qonşusu və keçmiş sinif yoldaşı Ladanı bu uydurma rəfiqə obrazını canlandırmağa razı salır. İndi Lada dəniz kənarında gah ulduz falı bilicisi rolunu oynamalı, gah Veranın ən yaxın sirdaşı kimi görünməli, gah da Borisin xanımı cildinə girməli olur.

«İщу жену с ребёнком» komediya serialı 2014-cü ildə Ukraynada rejissor Aleksey Kiryuşşenko tərəfindən çəkilib. Ekran əsərində baş rolları Olqa Medıniç, Mariya Qorban, Oleq Mazurov və Sergey Burunov ifa edirlər.