Sibirdən sevgi ilə

Özbaşına Anastasiya sərt babası Veniaminin nəzarətindən qurtulmaq və varlı Nikita ilə ailə qurmaq arzusundadır. Lakin sevdiyi oğlan ondan üz döndərir və qızın bütün planları alt-üst olur. Həmin an kənd sahə müvəkkili olan sibirli Stepan təsadüfən Anastasiyanı avtomobilin təkərləri altından xilas edir. Nəvəsinin hərəkətlərindən qəzəblənən baba isə onu bütün maddi dəstəkdən məhrum edir.

Veniamin yalnız bir şərtlə yumşalacağını bildirir: Anastasiya yarım il Stepanla nikahda qalmalı və heç kimdən kömək istəməməlidir. Beləliklə, təzə bəylə gəlin ucqar kəndə yola düşürlər. «Sibirdən sevgi ilə» serialının qəhrəmanı yad kənd mühiti, ərinin səs-küylü qohumları, Stepanın keçmiş sevgilisinin intriqaları və Nikitanın gözlənilməz gəlişi ilə üz-üzə qalır.

2016-cı ildə ekranlara çıxan bu Rusiya komediyasının rejissoru Mariya Maxankodur. Baş rolları Antonina Divina, Vladimir Qorislavets, Valeri Barinov və Yevgeniya Bordzilovskaya canlandırıblar.