Böyük tənəffüs

Gənc tarixçi Nestor Severov aspirantura imtahanından kəsiləndən sonra fəaliyyətini axşam məktəbində davam etdirmək qərarına gəlir. O, təhsil alanların hər birinin özünəməxsus xarakteri olan 9 "A" sinfinə rəhbər təyin edilir. Burada oxuyanlar gündəlik həyat qayğıları ilə yaşayan yetkin insanlardır.

İlk vaxtlar öz elmi mühitindən ayrılmaq istəməyən və məsafə saxlayan Nestor Petroviç tezliklə vəziyyətin fərqli olduğunu anlayır. O, tələbələrinin gündəlik çətinliklərinə və şəxsi problemlərinə biganə qala bilmir. Zaman keçdikcə gənc müəllim şagirdlərinin həyatına dərindən bağlanır.

Rejissor Aleksey Korenevin çəkdiyi "Böyük tənəffüs" çoxseriyalı televiziya filmi 1972-ci ildə SSRİ-də lentə alınıb. Komediya və melodram janrındakı ekran əsərində Mixail Kononov, Yevgeni Leonov, Rolan Bıkov və Aleksandr Zbruyev kimi aktyorlar çəkilib.