Fray və Lori Şousu

İki britaniyalı aktyorun yaradıcı birliyi 1980-ci illərin əvvəllərində Kembric Universitetində oxuduqları vaxt yaranıb. Tələbə teatrında pantomim hazırlamaq üçün yoldaş axtaran Hyu Lori burada özünü daha çox tənha yazıçı kimi görən Stiven Fray ilə rastlaşıb.

İştirakçıların fərqli xarakterləri və görkəmləri onların duetinin əsasını qoyub. İroniyalı baxışları və çevikliyi ilə seçilən Lori təmkinli, dolğunbədənli və mimikaları tez dəyişən Fray ilə ziddiyyət təşkil edib. Sonralar Lori çoxsaylı beynəlxalq mükafatlar qazanmış məşhur aktyora, Fray isə tanınmış ədəbiyyatçıya çevrilib.

Böyük Britaniya istehsalı olan musiqili komediya serialı «A Bit of Fry and Laurie» ilk dəfə 1987-ci ildə yayımlanıb və dörd mövsümdən ibarətdir. Ekran işinə Rodcer Ordiş və Bob Spirs rejissorluq edib, layihədə əsas rolları Debora Norton və Ceffri MakQayvern də bölüşüb.