Qanun keşikçisi Maşa

Otuz yaşını yenicə adlamış Mariya Piroqova həyatında köklü dönüş etmək qərarına gəlir. Şəxsi həyatı qaydasında olmayan qadın arxada qalan onillik bərbərlik təcrübəsini kənara qoyaraq hüquq fakültəsində təhsilini başa vurur. Ədalətə sarsılmaz inam bəsləyən Maşa diplom aldıqdan sonra bu sahədə addımlamağa çalışır.

İş axtarışları uğursuzluqla nəticələndikdə «Qanun keşikçisi Maşa» serialının qəhrəmanı öz agentliyini təsis edir. O, böyük ticarət mərkəzində cəmi bir neçə kvadratmetrlik yer icarəyə götürür, masa və iki stul yerləşdirərək xidmət lövhəsini asır. Çox keçmədən fərqli problemlərlə üzləşən ilk müştərilər bu kiçik ofisə üz tutmağa başlayırlar.

Rusiyada istehsal olunmuş iki mövsümlük komediya layihəsinin rejissoru Vitaliy Pavlovdur. Baş rolu İrina Peqova canlandırıb, digər rollarda isə Anna Antonova, Vasiliy Boçkaryov və Viktoriya Boqatıryova çəkiliblər.