Mənim sevimli kabusum

Ağır yol qəzası Natalyanın qayğısız ailə səadətini alt-üst edir: əri həyatını itirir, qadın isə xəstəxanadan çıxdıqdan sonra təkbaşına qalır. Çətinliklərlə necə mübarizə aparacağını bilməyən dul qadının qarşısına gözlənilmədən rəhmətə getmiş ərinin ruhu çıxmağa başlayır. Qonaq o biri dünyadan sadəcə hal-əhval tutmaq üçün yox, xüsusi bir xahişlə gəlib.

Ölümündən az əvvəl DNT analizi ilə başqa bir qadından olan oğlunun uşaq evində böyüdüyünü öyrənən ər, vaxt tapıb ona əl uzada bilməyib. İndi o, Natalyadan miras qalan şirkət vasitəsilə uşağa yardım fondu yaratmağı xahiş edir. Lakin kimsəsizlər evində aqressiv və inamsız yeniyetməni görən qadın fondu unudub onu övladlığa götürmək qərarına gəlir və ruhun narazılığına rəğmən uşağın sevgisini qazanmağa çalışır.

«Mənim sevimli kabusum» melodram komediya serialı 2017-ci ildə Rusiya və Ukrayna istehsalı kimi təqdim olunub. Layihənin quruluşçu rejissoru və eyni zamanda rollardan birinin ifaçısı Aleksandr Barşakdır. Əsas obrazları Anna Taratorkina, Cemal Tetruaşvili və Vladimir Maşuk canlandırıblar.