Ağlım başımdadır?

«Am I Being Unreasonable?» adlı Britaniya serialı diqqəti uğursuz nikah içində sıxılıb qalan Nik adlı qadına yönəldir. Baş qəhrəman kimsəyə aça bilmədiyi gizli bir itkinin kədərini təkbaşına daşıyır. Ətrafdakı digər analarla heç cür dil tapa bilməyən qadının həyatdakı yeganə təsəllisi oğlu Ollidir.

Məktəb qarşısında qəsəbəyə yeni köçmüş Cenlə tanışlıq Nikin gündəlik həyatını xeyli dəyişir. Qadınlar dərhal ümumi dil taparaq dərdlərini bölüşməyə və bir-birinə yaxınlaşmağa başlayırlar. Lakin hər ikisinin gizlətdiyi sirlər bu yeni münasibətin tədricən narahatlıq və şübhələrlə dolmasına gətirib çıxarır.

Ekran əsərinin rejissoru Conni Kempbelldir. İki mövsümdən ibarət olan Böyük Britaniya istehsalı bu layihədə əsas rolları Deyzi Mey Kuper, Lenni Raş, Selin Hizli və Dastin Demri-Börns canlandırıblar.