Bəzi qızlar

Məktəb futbol komandasında oynayan yuxarı sinif şagirdlərinin gündəlik həyatı müxtəlif qayğılar və yeniyetməlik çətinlikləri ilə doludur. Qızlardan biri öz məşqçisi ilə eyni evdə yaşamaq məcburiyyətindədir, digəri şəhər kənarında xəyallar qurur, başqa biri daxili aqressiyası ilə mübarizə aparır, dördüncüsü isə yaşıdlarının arasında fərqli düşüncəsi ilə seçilir.

Böyümə mərhələsindən keçən qəhrəmanlar həm məktəbdə, həm də ailə daxilində qarşılaşdıqları problemləri birlikdə həll etməyə çalışırlar. «Some Girls» serialında rəfiqələr bir-birinə dayaq olur və onları düşündürən suallara cavab axtarırlar.

Böyük Britaniya istehsalı olan bu komediya layihəsi 2012-ci ildə yayımlanmağa başlayıb və 3 mövsümdən ibarətdir. Ekran işinin rejissorları Adam Miller və Sasha Ransome, baş rol ifaçıları isə Edelayo Ededayo, Nataşa Yonas, Elis Felqeyt və Mandip Dillondur.