Piter-Moskva

Denis Moskva ilə Sankt-Peterburq arasında reyslər həyata keçirən gəminin pilotudur. O, Moskvada yaşayan Varyaya dəlicəsinə vurulur və onun yeganə xanım olduğunu düşünür. Lakin növbəti səfər zamanı Peterburqda Yeva ilə tanış olur və bu qadın cazibədarlığı ilə digər sevgilisindən heç də geri qalmır.

İki müxtəlif şəhərdə iki qadın arasında qalan Denis hisslərində tamam çaş-baş düşür. Belə çətin vəziyyətdə onun köməyinə eyni gəmidə ikinci pilot çalışan həmkarı Anna çatır. O, yaranmış qarışıq münasibətləri qaydaya salmaq üçün yoldaşına çıxış yolu göstərməyə çalışır.

2014-cü ildə istehsal edilmiş Rusiya istehsalı olan «Piter-Moskva» komediya serialının quruluşçu rejissoru Aleksandr Kiriyenkodur. Baş rolları Yevgeni Stıçkin, Natalya Romanıçeva, Marina Konyaşkina və Viktoriya Romanenko canlandırıblar.