Ərköyünlər

Yel Universitetinin 23 yaşlı məzunu Meqan Smit böyük mətbuatda uğur qazanmaq istəsə də, hələlik sarı mətbuatda çalışır. İşini qəfil itirən qızın taleyi kosmetika maqnatı ilə tanışlıqdan sonra tamamilə dəyişir. İmkamlı iş adamı Meqanı öz şıltaq əkiz nəvələri Rouz və Seyc üçün xüsusi repetitor və tərbiyəçi kimi işə götürür.

Palm-Biçdə dəbdəbəli həyata qədəm qoyan Meqan ərköyün yeniyetmələrin etibarını qazanmağa çalışır. Gözəl mənzil və yaraşıqlı aşpaz bu çətin günləri yüngülləşdirsə də, şəxsi münasibətlər düyünə düşür: qonşuluqda yaşayan varlı Uill onunla maraqlanır, lakin məlum olur ki, o artıq Meqanın bacısı Lili ilə görüşür. Bu dolaşıq vəziyyətə qıza gizlicə aşiq olan ən yaxın dostu Çarli də əlavə olunur.

«Ərköyünlər» (Privileged) komediya serialı 2008-ci ildə ABŞ-da istehsal olunub. Rejissor kürsüsündə Devid Peymer və Maykl Enqlerin əyləşdiyi layihədə baş rolları CoAnna Qarsia Suişer, Lüsi Heyl, Eşli Nyubro və Allan Luis paylaşıblar.